摺疊舟15km實測 龍鼓洲海岸公園

唔少玩獨木舟嘅friend同我一樣,痴住艇會玩,艇會喺邊就玩盡附近路線。好似以前古浪聚喺西貢斬就狂玩西貢,之後搬去梅窩就精研大嶼。

當然可以駛出貨車同友好艇會等方法去玩新線,不過始終安排都要時間,個人認為都係唔夠率性於是近年積極研究入手便攜舟,最後喺充氣舟同摺疊舟之間揀咗後者,感覺上靚仔d、硬淨d仲有快d。

喺淘寶揾咗隻同歐洲大廠「好相似」嘅摺疊舟,課完金一個星期到送到府中,包裝保護唔錯,開箱詳文就睇呢度啦



同朋友出動,佢玩同一款,不過係大size嘅摺舟已經幾次,放心去個plan一啲以前想玩不過太遠嘅線,下水禮就選定屯門龍鼓灘:

龍鼓灘 > 龍鼓洲東北面沙灘 > 陸遊 > 上沙洲 > 小沙洲 > 陸遊大小沙洲 > 上沙洲西北 > 回程



心儀呢條路線上面嘅海石洞好多年,再加埋幫隻艇進行壓力測試,一早開車連人帶舟入到龍鼓灘,快手快腳3個字就set起隻艇,某程度上可能快過喺艇架搬開兩艇tiger再攞壓住咗個尾嘅艇,感覺幾好,天氣幾好,立即落水。

一落水先feel下隻艇穩唔穩,都ok冇瓦解嘅預感,加上艇面拉得夠緊亦冇入水,雖然話plan好會落水玩,不過比水浸住爬艇又係另一回事。

一邊過航道一邊測速,雖然同Tiger 或者Sea Horse 冇得比,不過都拍得住康文署嘅膠艇,我地輕鬆划都上到4km/hr,不過不失啦。



⚓龍鼓洲

石室出口



海盜頭左側

海盜頭右側
屁股石

食個豐富午餐再玩d石又出發去下一站

⚓小沙洲

再一登小沙洲,唔係用摺舟都唔知幾時會一登呢個島仔,立即周圍玩下先。



天后廟

龍骨

⚓大沙洲

懶豬石



⚓上沙洲-西北

飛來石



一線天

⚓上沙洲-西北

喺上沙洲食個豐富午餐再玩下d石夠皮走人。最後(當然) 見唔到中華白海豚,順利完成咗第一次「飛漂」下水禮。

整體感覺良好,係真真正正嘅一隻獨木舟,不過物料始終唔係話好硬淨,用時都好自然係輕手啲。



內海路線唔算大浪,肉體感測似得2至3級風,計埋過航道時木貨輪嘅航行浪都冇出咩狀況,暫時我會建議有興趣入手嘅朋友玩返啲內海線或者綑下邊咁。另外朋友入手嘅係大size,而佢係舒服嘅,反而我隻細size都Lock唔到艇,而且前腳都幾頂下,要買就買大啦。

最後再講下摺疊舟雖然可以摺埋,但係其實佔地方都唔少,要入手嘅話要諗諗放喺邊;另一樣係要搵位洗艇同晾乾,如果唔係下下要喺街等幾個鐘都幾辛苦。

Anyway,已經有計劃再出咩路線喇,下次再同大家分享。



 

 

發表迴響

你的電子郵件位址並不會被公開。 必要欄位標記為 *


請讚好【野遊物報】專頁!