獨木環西貢半島 – 2.出長咀入灣南

延伸閱讀:獨木環西貢半島

西灣東望,左起係東灣山、長咀、大洲、尖洲

第一晚瞓時清清爽爽咁,都算瞓得幾好,仲可以懶瞓到哄左埋Billy度。

原定九半落水既我地八半先起身,pack埋野要成十半先落水,比原定時間遲左粒鐘,增加左不明朗因素,都係自己攞黎既。

一落水,唔見尋日橫風橫浪,對住尖洲一路撐,真係一出尖洲就大風左d,不過已經完全唔係尋日果回事了。

Dino叫尖洲做屎落肶洲,係咪因為似Snoopy瞓底左?都ok似wr。

終於去到是次旅程既亮點,要出長咀喇!一離開大洲同尖洲風浪果然再增大,不過都只係彷如平日響西貢內海大浪個款咁,一直去到短咀都冇太大變化,最難攪既一段都順利完成了。

可能早餐食得太少,個胃已經開始打鼓了,其實響PLAN行程時已經好想加插一登蚺蛇灣,可惜為左保留體力,都係唔可以轉入去白白行多一公里。

所以,就決定響望魚角之前既既一個小海灣-深灣 大休喇。

估唔到深灣係三日行程中最靚既一個地方,一流!

深灣看似石底唔好上岸,點知埋到去有靚沙地,再加上一道天然迷你石堤,響度大休真的沒錯,阿雲仲要發現到有淡水水源,唔通可以揾日響度camp一camp?

食到第二日乾糧又係麥維他,已經有一種塞飽就算既感覺。

稍事休息半小時又出動,一路望住蚺蛇尖,遥想當年陸路登頂同入蚺蛇灣,今日水路重來,百般滋味在心頭。

未幾,已見塔門口,再望就係灣仔了,今日竟然咁輕鬆,始料不及。

塔門口兩邊分別係高流灣及塔門。

延伸閱讀:獨木環西貢半島

安全地撐到去灣仔,已經見有唔少人響遠離官方營地既樹林入面起營。已經有預感長假期灣仔會好爆,點知比想像中更爆,仲繼續有一船又一船既人黎到,cool…

決定咩都唔諗一上水就衝上去霸位,結果響碼頭以西既浮潛沙灘仔上岸,極速霸住樹林既位置起營。

灣南廁所維修,長假攪d咁既野,好彩仲有兩格殘廁開放,唔係響南營地呢幾百人(可能有成千人)唔知點攪好,我地就決定去灣西沖涼。

巧遇到高人朋友,難得偶遇,就同佢合照一幀,原來佢高成咁。

跟住又開始無盡Hea時間,都係不停食零食同吹水做瑜伽咁。

入夜開始響無盡糧食中挑選是夜晚餐+地圖研習坊,係時候回顧一下呢兩日既路線。

係時候同雷老闆夾一夾大尾篤登岸既安排,又係佢話有centre交艇,點知佢話廢事攪喇,比個貨車電話我自己call,旅費每人增加$130,好在唔駛跟車,佢自己響斬竹接艇。

過左塔門口,已經係內海既世界,水波不輕,直好洗滌身心既疲憊。呢一段只需要小心連接馬料水至黃石既渡輪就掂。

原來小芯玩蟲都有一手。

食完公仔麵,就開始食Kan少臨行前相贈比小芯同其他阿邊個既平安包,即係蓮容包,好食,不過包裝話要雪藏ga wr,我地日日比佢曝曬,都幾過癮….

響等食包既moment, Billy已經瞓著左,好強既睡眠力。

延伸閱讀:獨木環西貢半島

發表迴響

你的電子郵件位址並不會被公開。 必要欄位標記為 *